हेटौँडाः श्रीकृष्ण प्रणामी युवा परिषद् नेपाल हेटौँडा उपमहानगरपालिका–६, गौरीटारको आयोजना भएको स्लो बाइक रेसमा मिलन पाख्रिन प्रथम हुनु भएको छ । शनिबार हेटौँडा–६ को प्रणामी चोकमा भएको स्लो बाइक रेसमा पाख्रिन प्रथम हुनु भएको युवा परिषद्का अध्यक्ष प्रदिप बास्तोलाले जानकारी दिनुभयो ।
स्लो बाइक रेस एक सय मिटरको दुरीमा भएको थियो । प्रतियोगितामा एलिस तिमल्सिना दोस्रो र सुस्मिता चौलागाई तेस्रो हुनु भएको छ । युवा परिषद्ले रेसमा सफल हुने प्रतियोगीलाई मेडल र प्रमाणपत्र प्रदान गरेको बास्तोलाले बताउनुभयो । प्रतियोगितामा ३५ जनाको सहभागिता रहेको थियो । परिषद्ले साताव्यापी कार्यक्रमको छैठौं दिन स्लो बाइक रेसको आयोजना गरिएको थियो ।
