हेटौँडाः हेटौँडा–५, पिप्लेस्थित हेटौँडा सिटी कलेजमा बिहिबारदेखि शनिबारसम्म खेलकुद महोत्सव हुँदैछ । कलेजले विद्यार्थीको मानसिक, शारीरिक विकासमा सहयोग पुग्ने र खेलमार्फत विद्यार्थीहरुको सकारात्मक सोँच विकास गर्ने उद्देश्यले खेलकुद महोत्सव आयोजना गर्न लागेको कलेजका सहायक प्रिन्सीपल सुमन्त सिलवालले जानकारी दिनुभयो ।
महोत्सवमा फुटबल, क्रिकेट, भलिबल, टेबलटेनिस, ब्याडमिन्टन, बुद्धिचाल लगायतका खेल हुनेछ । खेलमा प्रथम, द्वितीय र तृतीय हुनेलाई प्रमाणपत्र र शिल्ड, मेडल प्रदान गरिनेछ । खेलकुद महोत्सवमा २ सय भन्दा बढी विद्यार्थी सहभागी हुने अपेक्षा गरेको छ । कलेजले हरेक शुक्रबार अतिरिक्त क्रियाकलापअन्तर्गत साँस्कृतिक कार्यक्रम, दन्त परीक्षण शिविर, आँखा शिविर, रक्तदान कार्यक्रम गर्दै आएको सिलवालले बताउनुभयो ।
