हेटौँडाः विभिन्न ३ दलका नेता नेकपा एमालेमा प्रवेश गरेका छन् । नेकपा एमाले मकवानपुरको पार्टी कार्यालयमा सोमबार दिउँसो बीपी काँग्रेस मकवानपुरका सभापति रमेश ढकाल, नेपाल कम्युनिष्ट पार्टी एकीकृत समाजवादी मकवानपुर जिल्ला सचिवालय सदस्य सानुभाइ बिश्वकर्मा, जिल्ला सदस्य विनोद रिजाल र नेकपा माओवादी केन्द्र मकवानपुरका विनोद ढकाल एमाले प्रवेश गर्नुभएको हो ।
नेकपा एमाले मकवानपुरको सचिवालयमा एमाले नेताहरुले चारैजनालाई स्वागत गरेका हुन् । नेकपा एमाले केन्द्रीय कृषि विभागका प्रमुख केदार न्यौपाने, केन्द्रीय सदस्य एवम् नेकपा एमाले मकवानपुरका ईन्चार्ज रामेश्वर राना, प्रदेश कमिटी सदस्य कमल विष्ट, जिल्ला अध्यक्ष श्रीधर पोखरेलसहित नेता, कार्यकर्ताले चारैजनलाई स्वागत गरेका थिए । हेटौँडा उपमहानगरपापलिका १२ नम्बर वडामा उपनिर्वाचन लक्षित राजनीतिक क्रियाकलाप बढिरहेको बेला जिल्लास्तरीय नेताहरु एमालेमा प्रवेश अर्थपूर्ण हुने नेकपा एमाले मकवानपुरका अध्यक्ष श्रीधर पोखरेलले जानकारी दिनुभएको छ ।
