हेटौंडाः लागुऔषध गाँजासहित मकवानपुर प्रहरीले २ जनालाई पक्राउ गरेको छ । पक्राउ पर्नेमा मकवानपुर जिल्लाको कैलाश गाउँपालिका–१, बस्ने १९ वर्षीय नवीन स्याङ्तान र सुजित स्याङ्तान रहेको जिल्ला प्रहरी कार्यालय मकवानपुरले जानकारी दिएको छ ।
आइतबार बिहान साढे ५ बजेको समयमा हेटौँडा–१०, बसपार्कबाट नवीन र सुजितलाई प्रहरीले लागुऔषध गाँजासहित पक्राउ गरेको हो । प्रहरी टोलीले पैदल हिँडिरहेको अवस्थामा शंका लागी सुरक्षाजाँच गर्ने क्रममा उनीहरुको साथबाट ८ किलो गाँजा फेला परेको हो । गाँजासहित उनीहरुलाई नियन्त्रणमा लिई अनुसन्धान कार्य भइरहेको प्रहरीले जनाएको छ ।
