हेटौँडाः मकवानपुर जिल्लाको भीमफेदी गाउँपालिकाका ८ जना विद्यार्थी एसईईमा विशिष्ट श्रेणीमा उत्तीर्ण भएका छन् । भीमफेदी गाउँपालिकाका ८ वटा माविका २ सय ३३ जना विद्यार्थी एसईईमा सहभागी भएका थिए । ४ वटा विद्यालयबाट एकजना विद्यार्थीले पनि विशिष्ट श्रेणी प्राप्त गर्न सकेनन् ।
भीमफेदी–१, सानुटारस्थित राष्ट्रिय माध्यमिक विद्यालयका १४ जना विद्यार्थीले १.६ भन्दा कम जीपीए ल्याएका छन् । १० जनाले १.६ देखि २ जीपीए, ७ जनाले २ देखि २.४ जीपीए ल्याएका छन् । ६ जनाले २.४ देखि २.८ जीपीए ल्याएका छन् । ३ जनाले २.८ देखि ३.२ जीपीए ल्याएका छन् । ४० जना विद्यार्थीले एसईई परीक्षा दिएका थिए ।
भीमफेदी–२, भैंसेस्थित कृष्ण माध्यमिक विद्यालयका ११ जना विद्यार्थीले १.६ भन्दा कम जीपीए ल्याएका छन् । १.६ देखि २ जीपीए ल्याउने १५ जना, २ देखि २.४ जीपीए ल्याउने १५ जना, २ देखि २.४ जीपीए ल्याउने ८ जना, २.४ देखि २.८ जीपीए ल्याउने २ जना रहेका छन् । कृष्ण माविबाट ३६ जना विद्यार्थी परीक्षा दिएका थिए ।
भीमफेदी गाउँपालिका–४, निबुवाटारस्थित बाराही माध्यमिक विद्यालयका २१ जना विद्यार्थीले १.६ जीपीएभन्दा कम अंक पाएका छन् । १९ जनाले १.६ देखि २ जीपीए, १० जनाले २ देखि २.४ जीपीए र एक जनाले २.४ देखि २.८ जीपीए ल्याएका छन् । बाराही माविबाट ५१ जना विद्यार्थीले परीक्षा दिएका थिए । भीमफेदी–५ स्थित महालक्ष्मी माध्यमिक विद्यालय २ जनाले १.६ भन्दा कम जीपीए ल्याएका छन् । ९ जनाले १.६ देखि २ जीपीए, २ जनाले २ देखि २.४ जीपीए, २ जनाले २.४ देखि २.८ जीपीए ल्याउन सफल भएका छन् । महालक्ष्मी माविबाट १५ जनाले परीक्षा दिएका थिए ।
भीमफेदी गाउँपालिका–६ स्थित महेन्द्र माध्यमिक विद्यालयका ६ जना विद्यार्थीले १.६ भन्दा कम जीपीए ल्याएका छन् । १७ जनाले १.६ देखि २ जीपीए, १४ जनाले २ देखि २.४ जीपीए, ८ जनाले २.४ देखि २.८ जीपीए ल्याएका छन् । महेन्द्र माविबाछ ४५ जनाले परीक्षा दिएका थिए । भीमफेदी–७ स्थित माध्यमिक विद्यालय कोगटेका ४ जना विद्यार्थीले १.६ देखि २ जीपीए ल्याएका छन् । २ जनाले २ देखि २.४ जीपीए, ३ जनाले २.४ देखि २.८ जीपिए र २ जनाले २.८ देखि ३.२ जीपीए ल्याएका छन् । एसईईमा ११ जना सहभागी थिए ।
यससैगरी भीमफेदी–८, ईपास्थित पन्चकन्या माध्यमिक विद्यालयका ६ जना विद्यार्थीले २ देखि २.४ जीपीएका ल्याएका छन् । २ जनाले २.४ देखि २.८ जीपीए र २ जनाले २.८ देखि ३.२ जीपिए ल्याएका छन् । पन्चकन्याबाट १० जना विद्यार्थीले परीक्षा दिएका थिए । भीमफेदी–९ स्थित लेकाली बसिफाँट विद्यालयका ९ जना विद्यार्थीले १.६ देखि २ जीपीए ल्याएका छन् । १३ जनाले २ देखि २.४ जीपीए र एक जनाले २.८ देखि ३.२ जीपीए ल्याएका छन् ।
