हेटौंडाः जङ्गली हात्ती लखेट्न गएका मकवानपुरका एक जनाको मृत्यु भएको छ । मृत्यु हुनेमा मनहरी–६ का ३४ बर्षीय रामलाल तामाङ रहेको जिल्ला प्रहरी कार्यालय मकवानपुरले जनाएको छ ।
मंगलबार राती खेतमा जंगली हात्ती आएर खेतमा बाली खान थालेपछि हात्ती लखेट्न गएका रामलाल जङ्गली जनवारबाट बालीनाली जोगाउन स्थानीयले राखिएको तारमा करेन्ट लागेर घाइते भएको थियो । घाइते रामलालको चितवनको भरतपुर मेडिकलमा उपचारको क्रममा मङ्गलबार राति साँढे ११ बजे रामलालको ज्यान गएको जिल्ला प्रहरी कार्यालय मकवानपुरले जनाएको छ ।
