हेटौंडाः नेपाल मगर संघको ३९ औं स्थापना दिवसको अवसरमा सांस्कृतिक कार्यक्रम भएको छ । नेपाल मगर संघ मकवानपुरको आयोजनामा हेटौंडा उपमहानगरपालिका वडा नम्बर १२ मा सांस्कृतिक कार्यक्रम गरिएको हो ।
नेपाल मगर संघ मकवानपुरका अध्यक्ष होमबहादुर राना मगरको सभाध्यक्षतामा कार्यक्रम भएको हो । कार्यक्रमका प्रमुख अतिथि नेपाल मगर संघका केन्द्रीय उपाध्यक्ष कमल पिठाकोटे मगरले कार्यक्रम उद्घाटन गर्नुभएको थियो । नेपाल मगर संघ मकवानपुरका सहसचिव आशीष अस्लामी मगरले कार्यक्रममा स्वागत मन्तव्य राख्नुभएको थियो ।
कार्यक्रममा विशिष्ट अतिथिको रुपमा भूमिसम्बन्धी समस्या समाधान अयोग मकवानपुरका अध्यक्ष रामेश्वर राना मगर तथा अतिथिहरु नेपाल मगर संघका केन्द्रीय समितिका सल्लाहकार विश्व आले मगर, नेकपा प्रचण्ड–माधव समूहका मकवानपुर सचिव प्रेमबहादुर पुलामीलगायतको उपस्थिति रहेको थियो ।
