हेटौंडाः मकवानपुरको मकवानपुरगढी गाउँपालिका–४ स्थित प्रतिभा आधारतभूत विद्यालयका ३० जना विद्यार्थीलाई स्विटर, शैक्षिक सामग्री र बिस्कुट सहयोग गरिएको छ । हेटौंडा–५ स्थित खेलकुद तथा सामाजिक विकास मण्डल सानोपोखरा क्लबको संयोजनमा क्लबका सदस्य राहुल सुवेदी र क्लबको कोषबाट संकलित रकमबाट शुक्रबार विद्यार्थीलाई सहयोग गरिएको हो ।
क्लबका सदस्य राहुल सुुवेदी हेटौंडा–१ स्थित गोमा फर्माका सञ्चालक समेत हुनुहुन्छ । क्लबका अध्यक्ष उमेश महतको अध्यक्षतामा तथा मकवानपुरगढी गाउँपालिकाको ४ नम्बर वडा अध्यक्ष रामप्रसाद तिमल्सिनाको प्रमुख आतिथ्यमा सहयोग हस्तान्तरण कार्यक्रम भएको हो । सहयोग हस्तान्तरण कार्यक्रममा विद्यालयका प्रधानाध्यापक साधुराम पुडासैनी, क्लबका सल्लाहकार विशाल राज महत, सदस्यहरु सतिस राई, शंकर राईको पनि उपस्थिति रहेको थियो ।
