हेटौंडाः बागमती प्रदेश प्रहरी कार्यालय हेटौंडाले आज चौमासिक समिक्षा गरेको छ । बागमती प्रदेश प्रहरी प्रमुख प्रहरी नायब महानिरीक्षक बसन्त लामाले चालु आव.२०७७/७८ को पहिलो चौमासिक अवधीमा प्रहरी कार्यालय तथा प्रदेश प्रहरी कार्यालयबाट कार्यान्वयनमा ल्याईएका योजना, कार्ययोजना, कार्य सम्पादन सम्झौता तथा समग्र काम कारबाही एवं गतिविधीको समिक्षा गर्नुभएको हो ।
बागमती प्रदेश प्रहरी तालीम केन्द्र दुधौली सिन्धुली, सशस्त्र प्रहरी गण मुख्यालय रातोमाटे, दंगा नियन्त्रण प्रहरी गण हेटौडा, प्रदेश ट्राफिक प्रहरी कार्यालय रामनगर चितवन र जिल्ला प्रहरी कार्यालयका प्रमुखहरुको उपस्थितिमा आज भिडियो कन्फ्रेन्समार्फत चौमासिक समिक्षा सम्पन्न भएको प्रदेश प्रहरी कार्यालय हेटौंडाका प्रहरी निरीक्षक रोशन थापाले जानकारी दिनुभयो ।
