हेटौंडाः मकवानपुरको पूर्वी क्षेत्र बागमती गाउँपालिका–७ की एक बालिकाको हत्या भएको छ । बागमती गाउँपालिका वडा नम्बर–७ लामीटार बस्ने सेर बहादुर पाख्रिनकी ४ बर्षीया छोरी रुबिना पाख्रिनको बलात्कार गरी हत्या गरिएको आशंकामा प्रहरीले २० वर्षीय कुमार भ्लोन र १६ वर्षका एक युवकलाई नियन्त्रणमा लिएर अनुसन्धान गरिरहेको जिल्ला प्रहरी कार्यालय मकवापनुरले जनाएको छ ।
बुधबार देखि हराइरहेको रुबीना पाख्रिनलाई परिवार र स्थानीय गाउँलेले खोजि गर्दा घरबाट टाढा २ सय मिटर पर मनसर खोलाको बगरमा अचेत अवस्थामा फेला पारेको थियो । उनलाई उद्धार गरेर हेटौंडा अस्पताल ल्याईपुर्याउँदा चिकित्सकले मृत घोषणा गरेको जिल्ला प्रहरी कार्यालय मकवानपुरका प्रहरी प्रवक्ता प्रहरी नायब उपरीक्षक ईन्द्रबहादुर रानाले बताउनुभयो । घटनाको प्रकृति हेर्दा हत्या भएको देखिएकोले थप अनुसन्धान भइरहेको उहाँले जानकारी दिनुभयो ।
