हेटौँडा ः हेटौँडा उपमहानगरपालिकाले कक्षा–८ को वार्षिक परीक्षा तालिका सार्वजनिक गरेको छ । पालिकास्तरीय परीक्षाको रुपमा सञ्चालन हुने कक्षा–८ को परीक्षा आगामी चैत ७ गतेबाट सुरु हुने तालिकामा उल्लेख छ ।
हेटौँडा उपमहानगरपालिकाको शिक्षा विकास महाशाखाले बिहीबार सार्वजनिक गरेको तालिकाअनुसार परीक्षा चैत १४ गतेसम्म सञ्चालन हुनेछ । परीक्षा दिनको १ बजेर ३० मिनेटबाट सुरु हुनेछ । पालिकाको परीक्षा सञ्चालन तथा व्यवस्थापन समितिको बुधबारको निर्णयअनुसार बिहीबार परीक्षाको तालिका सार्वजनिक गरिएको बताइएको छ ।
