हेटौँडा ः जेसीआई हेटौँडा वर्ष २०२४ का अध्यक्ष विकेश लाल श्रेष्ठ नेपाल जेसीजको वर्ष २०२५ का लागि महासचिव मनोनित हुनुभएको छ । सोमबार इटहरीमा सम्पन्न नेपाल जेसीजको ५१औं महाधिवेशनबाट अध्यक्ष निर्वाचित जेसीआई मनोहराकी रजनी थापाले श्रेष्ठलाई महासचिव मनोनित गर्नुभएको हो ।
सोमबार अध्यक्ष निर्वाचित हुनुभएपछि थापाले महासचिवमा श्रेष्ठलाई मनोनित गर्नुुभएको जेसीआई हेटौँडाका कार्यकारी उपाध्यक्ष विवेक आनन्द न्यौपानेले जानकारी दिनुभयो । नेपाल जेसीजको कार्यकारिणी उपाध्यक्षमा जेसीआई देवचुलीका गणेश सापकोटा, जेसीआई थानकोटकी एलिना महर्जन, जेसीआई गीतानगरका कृष्ण सापकोटा र जेसीआई बाग्लुङका सौरभ श्रेष्ठ निर्वाचित हुनुभएको छ । यस्तै उपाध्यक्षमा मकवानपुरको जेसीआई पालुङका संगम कार्कीसहित १२ जना निर्वाचित भएका छन् । युवाको नेतृत्व र व्यक्तित्व विकासमा क्रियाशील जेसीजले एक वर्षे कार्यकालका लागि नयाँ समिति चयन गर्ने गरेको छ ।
