हेटौँडा ः हेटौँडाको हेटौँडा सिटी कलेजले निशुल्क दन्त शिविर आयोजना गरेको छ । हेटौँडा–५ स्थित हेटौंडा सिटी कलेजले आइतबार र सोमबार दुईदिन दन्त शिविरको आयोजना गरेको हो ।
शिविरमा डाक्टर नरेश राईको नेतृत्वमा तीन जना स्वास्थ्यकर्मीको समूहले दन्त परीक्षण गरेको कलेजका प्रशासन प्रमुख सुमन्त सिलवालले जानकारी दिनुभयो । दन्त स्वास्थ्यबारे सचेतनाका साथै परीक्षण गरिएको हो । आइतबार २८० जना विद्यार्थीले सेवा लिएका थिए भने सोमबार १०० जनाले सेवा लिएको कलेजले जनाएको छ । कलेजले हरेक वर्ष दन्त शिविर, आँखा शिविर र रक्तदान कार्यक्रम सञ्चालन गर्दैै आइरहेको छ ।
