हेटौंडाः नेपाल पत्रकार महासंघ मकवानपुरका अध्यक्ष मणिराज गौतमले केन्द्रीय समिति सदस्य पदमा उम्मेदवारी दिनुभएको छ । केन्द्रीय समितिमा शनिबार उम्मेदवारी दर्ताको समय रहेको थियो ।
मंसिर २८ गते हुने नेपाल पत्रकार महासंघका निर्वाचनमा बागमती प्रदेशबाट गौतमले सदस्य पदमा उम्मेदवारी दिनुभएको हो । मकवानपुर जिल्लाबाट केन्द्रीय समितिमा उम्मेदवारी दिने गौतम एक्लो उम्मेदवार हुनुहुन्छ । यसअघि वर्तमान कार्यसमितिमा बागमती प्रदेशबाटै सुनिल खड्का केन्द्रीय समिति सदस्य हुनुहुन्छ । त्यसअघि नेपाल पत्रकार महासंघको केन्द्रीय समिति सदस्यमा प्रताप विष्टले दुई कार्यकाल जिम्मेवारी पूरा गर्नुभएको थियो ।
