हेटौँडाः बुधबार साँझ हेटौँडा–काठमाडौं छोटो मार्गअन्तर्गत मकवानपुरको भीमफेदी गाउँपालिका–४, गोल्फिनबेशीमा दुर्घटनामा परी घाइते भएका ३१ जना उपचारपश्चात स्वास्थ्य अवस्था सामान्य भएसँगै डिस्चार्ज भएका छन् । दुर्घटनामा परी घाइते भएका १० जना भने उपचाररत रहेको बागमती प्रदेश प्रहरी कार्यालय हेटौँडाले जनाएको छ ।
हेटौँडाबाट काठमाडौतर्फ जाँदै गरेको बा २ ज ९८३ नम्बरको ट्याक्सी र काठमाडौंबाट जनकपुर जाँदै गरेको बा ३ ख २७२३ नम्बरको मिनी बस एक आपसमा ठोक्किएर दुर्घटना भएको थियो । बसका चालक भने सम्पर्कमा नरहेको बताइएको छ । धनुषा जिल्लाका मुखिनियापट्टी मुसरनिया गाउँपालिका–२ का २५ वर्षीय अमित यादवको अवस्था भने गम्भीर रहेको बागमती प्रदेश प्रहरी कार्यालयले जनाएको छ । घाइते मध्ये केहीको हेटौँडा र केहीको भरतपुरस्थित अस्पतालमा उपचार भइरहेको प्रहरीले जनाएको छ ।
