हेटौंडाः मकवानपुर जिल्ला लिग फुटबल प्रतियोगिता अन्तर्गत आज बिहिबार समूहचरणको ४ खेलहरु हुँदैछ । हेटौंडा–११,स्थित सिमलटार खेलमैदानमा हुने पहिलो खेलमा परेली युवा क्लब र एफसी इन्टरनेटबीच प्रतिस्पर्धा हुनेछ भने दोस्रो खेलमा हेटौंडा फुटबल एकेडेमी र एफसी इन्टरनेट सिटीबीच प्रतिस्पर्धा हुनेछ । यस्तै गौरीटार रंगशालामा हुने पहिलो खेलमा आरआर एफसी र विजयी युथ क्लबबीच प्रतिस्पर्धा हुनेछ भने दोस्रो खेलमा पिप्ले युवा क्लब र महाबीर क्लबबीच प्रतिस्पर्धा हुनेछ ।
प्रतियोगिताको फाइनल खेल असोज ९ गते हुनेछ । प्रतियोगिताको उपाधि विजेता टिमले एक लाख रुपैयाँ र उपविजेता टिमले ५० हजार रुपैयाँ सहित शिल्ड मेडल तथा प्रमाणपत्र प्राप्त गर्नेछन् । यस्तै विधागत उत्कृष्ट खेलाडीहरुका लागि पनि पुरस्कारको व्यवस्था गरिएको छ ।
