हेटौैँडाः श्रीकृष्ण प्रणामी युवा परिषद् नेपाल हेटौँडा उपमहानगरपालिका–४ को आयोजनामा रक्तदान कार्यक्रम भएको छ । शनिबार श्रीकृष्ण प्रणामी मन्दिरमा भएको रक्तदान कार्यक्रममा ३४ जनाले रक्तदान गरेका छन् ।
परिषद्ले कृष्ण जन्माष्टमीको अवसरमा रक्तदान कार्यक्रमको आयोजना गरेको हो । कार्यक्रममा ६ जना महिला र २८ जना पुरुषले रक्तदान गरेका रक्तसञ्चार केन्द्र हेटौँडाका प्राविधिक किशोर सापकोटाले जानकारी दिनुभयो । कार्यक्रममा रक्तसञ्चार केन्द्र हेटौँडाको प्राविधिक सहयोग रहेको थियो । यसैगरी आज आईतबार रोटरी क्लब अफ हेटौँडाले रक्तदान कार्यक्रमको आयोजना गर्दैछ ।
