हेटौँडाः बागमती प्रदेशसभा सदस्य सरल सहयात्री पौडेलले मौका पर्दा आफ्नो मात्र दुनो सोझ्याउनु नेतृत्वको निकृष्टतापन भएको टिप्पणी गर्नुभएको छ । नेतृत्वले युग बदल्ने, कर्तव्य पालन गर्ने वा परिस्थितीको सामना गरेर अघि बढ्न खाज्ने काम गर्नुपर्ने उहाँले बताउनुभयो ।
प्रदेशसभाको बुधबार बसेको बैठकमा ७ मन्त्रालय र संवैधानीक निकायहरुको बजेट माथिको छलफलमा भाग लिँदै माओवादी केन्द्र बागमती प्रदेश अध्यक्ष समेत रहेका पौडेलले नेतृत्व सम्हाल्ने व्यक्तिले आफ्नो मुल्यांकन गर्नुपर्ने बताउनुभयो ।
‘सामान्यतया उत्कृष्ट नेतृत्वले आफ्नो समयको युग बदल्छ । महत्वपूर्ण नतृत्वले सबै परिस्थितीलाई काटेर अघि बढ्ने बाटो खोज्छ । सामान्य नेतृत्वले कर्तव्यको पालन गर्छ । आफ्नो कर्तव्य पनि थाहा नपाउने, युग बदल्न पनि नसक्ने समान्य परिस्थितीमा पनि अघि बढ्न नसक्ने मौका पर्दा आफ्नो मात्र दुनो सोझ्याउने नेतृत्व निकृष्ठ हुन्छ । को के मा पर्नुभयो आ–आफूे मुल्यांकन गर्नुस् ।’ उनले भने, ‘हाम्रो व्यवस्थामा को कति बेला सरकारमा को विपक्षमा हुन्छ टुंगो हुँदैन । दिर्घकालीन रणनीतिक योजनाको विषयमा सरकारमा भएकाले गम्भिरतापूर्वक ध्यान दिनु होला ताकी विपक्षीको बेञ्चमा बसेर नारा लगाउन नपरोस् ।’
प्रदेशमा एउट बेञ्चमा पुगेपछि जिन्दगी विग्रीए जस्तो लाग्ने र अर्को बेञ्मा पुगेपछि जिन्दगी सप्रिए लाग्ने प्रवृति निर्माण भइरहेको उहाँले बताउनुभयो । सो समस्याको केन्द्रमा पुगर खोजिगर्न नसके सरकार, प्रदेशसभा र सांसदहरुको हैसियत र जिम्मेवारीका सवालमा गम्भिर प्रश्न उठ्ने उहाले औल्याउनुभयो ।
‘असफलता हुने भनेको २ कार हो । एउटा कसैको सल्लाह नमान्नु, अर्को सबैको मान्नु । हामीमा यो प्रवृति बढी देख्छु । कहिले कसैको नि नमान्ने कहिले सबैको मान्दा अघि बढ्ने बाटो नै अवरुद्ध हुने अवस्था हुन्छ । हामीले खोजेको परिस्थिती माथी रुमलिने नेतृत्व होइन । परिस्थितीलाई नियन्त्रण गरेर नयाँ ढंगबाट अघि बढ्ने नेतृत्व हुनुपर्छ ।’ उहाँले भन्नुभयो ।
उहाँका अनुसार प्रदेश सरकारले बजेटबाट भौतिक पूर्वाधारमा पिटिएमटी र सामाजिक विकासमा आवसिय कार्यक्रम केन्द्रीत गरेर केही संकेत गरेको देखिन्छ । सो बाहेकका अरु सबै निरन्तरता कै शिलशिला रहेको उहाँले बताउनुभयो । प्रदेशसभामा भइरहेको बहस माथी अनुसन्धान गर्नुपर्ने उहाँले बताउनुभयो ।
अध्यक्ष पौडेलले मन्त्रालयको पुनः संरचना गर्नुपर्ने बताए । एक करेड ५० लाख ५० करोडको योजना बनाउन नसक्ने मन्त्रालयको मन्त्री किन हुने ? उहाँले प्रश्न समेत गर्नुभयो ।
‘नीति कार्यक्रममा महत्वकांक्षी ल्याउने अनि बजेट ५० लाख बाड्ने । अर्थमन्त्रीले सोच्नु पर्दैन । अरु मन्त्रालयको केही घटाएर रणनीतिक महत्वका क्षेत्रमा बढाउँ भन्ने लाग्दैन । कि आएको जति पचाउने मात्र हो ।’ उहाँले भन्नुभयो ।
