(प्रतिवेदन)
हेटौँडा–५, सानोपोखरास्थित सिद्धार्थ शिशु सदन माविका प्रिन्सिपल निर्मल पराजुलीको नेतृत्वमा विद्यालयमा २०८१ साल असार ७ गते शुक्रबारका दिन निर्वाचन कार्यक्रम सम्पन्न भयो । यस बर्ष निर्वाचनलाई प्रभावकारी बनाउनका निम्ति विद्यालय परिसरमा निर्वाचन आयोगको कार्यालयबाट मतपेटिका, मतदानस्थल निर्माणका लागि आवश्यक सामग्रीहरू ल्याएर प्रयोग गरिएको थियो । विद्यार्थीलाई चुनावको महत्वबारे बोध गराउन विद्यालय परिवारले निर्वाचन प्रयोजनमा विद्यार्थीको सक्रिय संलग्नता जनाएका थिए । निर्वाचन सम्पन्न गरियो र विद्यार्थी प्रतिनिधि पनि छानियो ।
निर्वाचनका उद्देश्यहरू
विद्यालयको क्याप्टेन, भाइस क्याप्टेन, हाउस क्याप्टेन, हाउस भाइस क्याप्टेन चयनका लागि आयोजना गरिएको निर्वाचन कार्यक्रमको उद्देश्यहरू निम्न छन् ।
१) विद्यार्थीलाई निर्वाचनको प्रक्रियाबारे अभ्यास गराउन र आ–आफ्नो पदमा रही भूमिका निर्वाह गर्ने,
२) विद्यालयप्रतिको जिम्मेवारीतर्फ सजग र विद्यार्थीलाई सचेत बनाउन,
३) विद्यार्थीमा आत्मविश्वास र नेतृत्व गर्ने क्षमताको अभिवृद्धि गरी समग्र विकास गर्न,
विधिः
सिद्धार्थ शिशु सदन माविले निर्वाचना–२०८१ लाई फलदायी र लाभदायी तुल्याउनका निम्ति अपनाएको विधि यसप्रकार छन्,
सर्वप्रथम त, विद्यालयका केही प्रशिक्षकहरू निर्वाचन आयोगको कार्यालयमा पुगेर निर्वाचन प्रयोजनका लागि मतपेटिका, मतदानस्थल निर्माणका निम्ति आवश्यक सामग्रीहरू जस्तै मार्कर, डोरी, महिला र पुरुषको छुट्टा छुट्टै बुथहरू बनाइयो । प्राथमिक विधिमा व्यवस्थापन गरियो । शिक्षक र विद्यार्थीहरुलाई परिचालन गरियो अनि यसरी निर्वाचन सम्पन्न गरियो । त्यसैगरी, द्वितीय विधिमा स्थलगत अध्ययन र त्यो सँगसँगै पाठ्यपुस्तकको पनि अध्ययन गरियो । अनि निर्वाचन प्रक्रियासम्बन्धी सम्पूर्ण क्रियाकलापहरू गरियो ।
पत्ता लगाइएका कुराः
निर्वाचन प्रक्रिया सम्पन्न गर्नका लागि निर्वाचन मण्डल गठन गरियो । त्यस निर्वाचन मण्डलमा बाल क्लबलाई समावेश गरी, निर्वाचन प्रक्रिया अघि बढाइएको थियो । कक्षा–५ को विद्यार्थी प्रतिभा शर्मा, पहिलो भोटरलाई रेजा लगाएर प्रिन्सिपल ज्युको हातबाट निर्वाचन सुरु भयो । त्यसैगरी, मतपत्र वितरण गरियो र मतदान गरियो । त्यसपश्चात मतगणना गरियो अनि निर्वाचनको परिणाम घोषणा गरियो ।
