हेटौँडाः बागमती प्रदेशसभा सदस्य उर्मिला नेपालले प्रदेश सरकारको बजेट राजस्व उठाउन सक्ने, खर्च गर्न सकने क्षमता भन्दा बढी रहेको बताउनुभएको छ । बजेटको प्रत्यक्ष असर भुक्तानी प्रणालीमा पर्ने उहाँको भनाई छ ।
बुधबार बसेको प्रदेश सरकारको आगाम आर्थिक वर्षको विनियोजन विधेयक माथि छलफल गर्दै उहाँले स्थानीय तहले र वडाहरुले ल्याउको जस्तो बजेट आएको बताउनुभयो । उहाँका अनुसार प्रदेश सरकारले पशुपतिमा सत्तविज छरे जस्तो बजेट आएको छ ।
बजेटलाई मन्त्रीहरुले जनताको विश्वास माथि खेलवार्ड गर्दै आफ्नो क्षेत्रमा खन्याएका उहाँको भनाई छ । उहाँले प्रदेशको १३ जिल्ला मध्ये चितवनमा बढी बजेट हालिएको भन्दै असन्तुष्टि व्यक्त गर्नुभयो ।
‘प्रदेश विकासको कुल बजेटको एक चौथाई बजेट चितवनमा हालिएको छ । जनता कोही होइन जस्तो गरेर मन्त्रीहरुले बजेट हालेका छन् । मुख्मयन्त्रीले भरतपुरको प्रशासनिक भवन बनाउन सशर्त अनुदान दिनु पर्ने ।’ उहाँले भन्नुभयो, ‘मानव विकास सुचकांकमा तल परेका रुवी भ्याली तपाईकै क्षेत्रमा थिए । अरुपनि पालिकाहरु कमजोर थिए । कम आय भएका पालिका पनि थिए । विभिन्न सुचकहरुमा तल रहेका पालिका पनि थिए । भरतपुरबाहेक अरु पालिका देखिनन् । यो गम्भिर विषय हो ।’
करोडौ अनुदान सशर्त अनुदान दिन विधिसंग रुपमा पठाउने माध्यम निर्माण गर्नुपर्ने उहाँले बताउनुभयो । शसर्त अनुदान भवन बनाउन मुख्यमन्त्री तथ मन्त्रिपरिषदबाट विनियोजन गर्नुपर्ने हो वा अरु विषयगत मन्त्रालय छन् ? उहाँले प्रश्न समेत गर्नुभयो । केन्द्र सरकारले राष्ट्र गौरवको आयोजनाको रुपमा रहेको क्रिकेट रंगशालाका नाममा कुसी बचाउको पछाडी लागेको बताउनुभयो । प्रदेश सरकारले केन्द्रले निर्धारण गरेको योजनामा बजेट हालेर थुप्रै दायित्वहरु बोकाउने काम गरेको उहाँले बताउनुभयो । स्वार्थ केन्द्रीत क्षेत्र केन्द्रीत भएर प्रदेशमा अनावश्यक दायित्व बढाउने काम गरेको उहाँको भनाई छ ।
‘भरतपुरले ६ अर्व बढीको बजेट ल्याएको छ । भरतपुरको भवन बनाउन ८ करोड बजेट पिठाइएको छ । यो बजेट यत्ति हो भन्ने भ्रममा नपर्नु यहाँ अझै अदृश्य विषयहरु छन् । बहुवर्षे बनाएर एक अर्व बढी बजेटको स्रोत सुनिश्चितता गराई त्यो भार प्रदेशलाई बोकाउने तयारी हो । भरतपुरको क्रिकेट रंगशाला केन्द्र सरकारको लगानीमा बन्थ्यो नी । प्रदेशको बजेट अन्त खर्च गर्न पाइन्थ्यो ।’ उहाँले भन्नुभयो ।
