हेटौँडाः मकवानपुरको बकैया गाउँपालिका–१०, मन्थली केराबारीस्थित प्रशिद्ध माध्यामिक विद्यालयको प्रधानाध्यापकमा भगवती तामाङ नियुक्त हुनुभएको छ । सोमबार बसेको विद्यालय व्यवस्थापन समितिको बैठकले तामाङलाई प्रधानाध्यापक चयन गरेको हो । यसअघि चन्द्र बहादुर घिमिरे प्रधानाध्यापक हुनुहुन्थ्यो ।
२०७६ साल मसिंर ४ गतेदेखि प्रधानाध्यापकको जिम्मेवारी सम्हाल्नुभएका घिमिरेले जेठ २ गते राजीनामा दिनुभएपछि तामाङलाई प्रधानाध्यापकको जिम्मेवारी दिइएको हो । नवनियुक्त प्रधानाध्यापक तामाङले विद्यालयको भौतिक सुधार तथा व्यवस्थापनको आवश्यकता रहेको बताउनुभएको छ । १० कक्षासम्म पठनपाठन हुने विद्यालयमा हाल १ सय ६० जना विद्यार्थी अध्ययनरत छन् ।
