हेटौँडाः नेपाल तरुण दल हेटौँडा उपमहानगरपालिका ७ नम्बर वडा समितिको आयोजनामा शनिबार बिहान रक्तदान कार्यक्रम भएको छ । हेटौँडा–७, नागस्वतीचोकमा भएको कार्यक्रममा २७ जनाले रक्तदान गरेका छन् ।
रक्तदान कार्यक्रममा रक्तसञ्चार केन्द्र हेटौँडाको प्राविधिक सहयोग रहेको थियो । यसअघि फागुन ६ गते रोटरी क्लब अफ हेटौँडाले आयोजना गरेको कार्यक्रममा २३ जनाले रक्तदान गरेका थिए भने फागुन ७ गते प्रजातन्त्र दिवसको अवसरमा मनकामना टोल विकास संस्थाले आयोजना गरेको कार्यक्रममा ३२ जनाले रक्तदान गरेका थिए ।
