हेटौँडाः मकवानपुरको मनहरी गाउँपालिका–६, सुनाचुरीबाट प्रहरीले लागुऔषधसहित २ जनालाई पक्राउ गरेको छ । पक्राउ पर्नेमा तनहु जिल्लाको भिमाद नगरपालिका–७ पल्ट्याङ बस्ने १६ वर्षीय आशिष परियार र राङरुङ बस्ने २४ वर्षीय विशाल परियार रहेको बागमती प्रदेश प्रहरी कार्यालय हेटौँडाले जानकारी दिएको छ ।
सोमबार दिउँसो ४ बजेर ३० मिनेटको समयमा मनहरीबाट लोथरतर्फ पैदल हिँडिरहेका परियारलाई शंका लागी सुरक्षाजाँच गर्ने क्रममा उनिहरुको साथबाट क्युनोफिन ८ एम्पुल, डाईजेपाम ८ एम्पुल र फेनारगन ८ एम्पुल बरामद गरेको थियो । लागुऔषधसहित दुवै जनालाई नियन्त्रणमा लिई थप अनुसन्धानका लागि इलाका प्रहरी कार्यलय मनहरी लगिएको प्रहरीले जनाएको छ ।
