हेटौँडाः मकवानपुर घरजग्गा व्यवसायी संघको पहिलो विशेष साधारण सभाको अवसरमा रक्तदान कार्यक्रम गरेको छ । शनिबार बिहान हेटौँडा–२, मानसचोकस्थित संघको कार्यालय परिसरमा भएको कार्यक्रममा २१ जनाले रक्तदान गरेका छन् ।
संघका अध्यक्ष कमल मैनालीको सभाध्यक्षमा तथा पत्रकार महासंघका अध्यक्ष मनिराज गौतमको प्रमुख आतिथ्यमा रक्तदान कार्यक्रम भएको हो । कार्यक्रममा नगर खेलकुद विकास समितिका अध्यक्ष रविन्द्रप्रसाद घिमिरे, मकवानपुर उद्योग वाणिज्य संघका प्रथम उपाध्यक्ष अनिल अग्रवाल, मकवानपुर उद्योग वाणिज्य संघका पूर्व महासचिव महेन्द्र राउतको पनि उपस्थिति रहेको थियो । रक्तदान कार्यक्रममा रक्तसञ्चार केन्द्र हेटौँडाको प्राविधिक सहयोग रहेको थियो ।
