हेटौंडाः हेटौँडा–७, नागश्वतीमा सडक पेटी छेउको बोटबिरुवा नष्ट गर्ने ३ जनालाई प्रहरीले नियन्त्रणमा लिएको छ । हेटौँडा–१८ का विनय थिङ, अनिल स्याङ्तान र हेटौँडा–७ का दिवश चौलागाईलाई प्रहरीले नियन्त्रणमा लिएको इलाका प्रहरी कार्यालय पशुपतीनगरले जनाएको छ ।
सडकपेटीमा लगाइएका बोटबिरुवा र बोटबिरुवाको सुरक्षाका लागि राखिएको तारजाली उनीहरुले नष्ट गरेका थिए । पक्राउ परेका तीनैजनालाई इलाका प्रहरी कार्यालय पशुपतिनगरले जिल्ला प्रहरी कार्यालयमा पठाएको छ । घटनाका बारेमा अनुसन्धान भइरहेको प्रहरीले जनाएको छ ।
