हेटौंडाः चितवन जिल्लाको भरतपुर महानगरपालिका–२४ पर्वतचोकमा प्रहरीले लागुऔषधसहित एकजनालाई पक्राउ गरेको छ । पक्राउ पर्नेमा २७ वर्षीय बुद्ध तितुङ रहेको बागमती प्रदेश प्रहरी कार्यालय हेटौंडाले जानकारी दिएको छ ।
प्रहरी टोलीले बुधबार तितङको घरमा तलासी गर्दा लागुऔषध गाँजा ५ सय ग्राम, लागुऔषध ट्रमाडोल ५ सय ७० पिस, प्रोमिथ ब्लु १ सय २० पिस र प्रोमिथ रेड ६ सय १० पिस फेला पारेको थियो । लागुऔषधसहित तितुङलाई नियन्त्रणमा लिई थप अनुसान्धाका लागि जिल्ला प्रहरी कार्यालय चितवन लगिएको प्रहरीले जानकारी दिएको छ ।
