हेटौंडाः धादिङ जिल्लाको गजुरी गाउँपालिका–५, गजुरीस्थित त्रिशुली नदीमा एक बालिका मृत फेला परेकी छन् । मृत फेला पर्नेमा नुवाकोट जिल्ला म्यागाङ गाउँपालिका–३ की ५ वर्षीया एन्जिला तामाङ रहेको बागमती प्रदेश प्रहरी कार्यालय हेटौंडाले जानकारी दिएको छ ।
एन्जिला मंसिर २ गते ५ बजेर ३० मिनेटको समयमा खेल्ने क्रममा खोलाले बगाई बेपत्ता भएकी थिईन् । खोजी गर्ने क्रममा आइतबार बिहान ११ बजेको समयमा त्रिशुली नदिको किनारमा एन्जिला मृत फेला परेको प्रहरीले जानकारी दिएको छ । शव पोष्टमार्टमका लागि नुवाकोट अस्पताल लगिएको प्रहरीले जनाएको छ ।
