हेटौँडाः साहित्य संगम मकवानपुरको आयोजनामा हटौँडामा गोविन्द गिरी प्रेरणाको एक कविता वाचन कार्यक्रम भएको छ । बिहीबार साहित्य संगम मकवानपुरको सभाहलमा गिरीले देश बाहिर रहँदा लेखिएका १० वटा कविता वाचन गर्नुभयो । उहाँले विदेश पलायन, चिठी किन आएन ?, क्यारोलिना, गान्तोक, मिरवए नदि, भौतारिएको छु, छुटिएको रेल, आमा र फिर्ती टिकट शीर्षकका कविता वाचन गर्नुभयो ।
मकवानपुरको सिस्नेरीमा जन्मनुभएका गिरी हाल अमेरिकामा बसोबास गर्नुहुन्छ । चार दशकदेखि साहित्य सिर्जनामा सक्रिय गिरीका कविता संग्रह र उपन्यास प्रकाशन भइसकेको छ । साहित्य संगम मकवानपुरका अध्यक्ष डिबी बर्तौलाको अध्यक्षतामा भएको कार्यक्रममा सर्जक सञ्जाल मकवानपुरका संयोजक निमेष निखिलको प्रमुख आतिथ्य रहेको थियो । कार्यक्रममा सिस्नुपानी मकवानपुरका अध्यक्ष राजकुमार लामिछानेको पनि उपस्थिति रहेको थियो ।
