हेटौँडाः दसैंको शुभसाइतमा मोटरसाइकल किनेका मकवानपुरको मनहरी गाउँपालिकाका सागर थिङले भाग्यशाली उपहार योजनामा ५० हजार रुपैयाँ नगद जितेका छन् ।
बुधबार हेटौँडास्थित बजाज कम्पनिको मोटरसाइकलका लागि आधिकारिक विक्रेता होराइजन अटो प्रालिमा १५० सीसीको पल्सर मोटरसाइकल किनेका थिङले भाग्यशाली उपहार योजनामा ५० हजार रुपैयाँ जितेका हुन् । भाग्यशाली ग्राहक सागर थिङलाई होराइजन अटो प्रालिका सञ्चालक राजुकाजी रत्न बज्राचार्य र लालकाजी रत्न बज्राचार्यले ५० हजार रुपैयाँ हस्तान्तरण गर्नुभयो ।
बजाज कम्पनिले दसैं, तिहार, छठ पर्वको अवसरमा पारेर भाग्यशाली उपहार योजना ल्याएको छ । भदौ २४ गतेदेखि कात्तिक १४ गतेसम्म सञ्चालन हुने भाग्यशाली उपहार योजनामा ग्राहकले नगदै पुरस्कार प्राप्त गर्नेछन् । दसैं, तिहार र छठको अवसरमा विभिन्न योजना ल्याएर उपभोक्तालाई आकर्षित गर्न मोटरसाइकल, गाडि, घरायसी सामग्रीका उत्पादकले भाग्यशाली उपहार योजना ल्याउने गरेका छन् ।
