हेटौंडाः पूर्व–पश्चिम राजमार्ग अन्तर्गत हेटौँडा–१५, रातोमाटे चेकपोष्टबाट मकवानपुर प्रहरीले अवैध सामान बरामद गरेको छ ।
प्रदेश प्रहरी कार्यालय हेटौँडाले दिएको जानकारीअनुसार बुधबार राती ११ बजेर ५० मिनेटको समयमा सर्लाहीबाट काठमाडौं जाँदै गरेको ना ६ ख ७०९९ नम्बरको बसमा सुरक्षाजाँच गर्दा बसमा लुकाई ल्याएको ६० हजार ६ सय रुपैयाँ बराबरको सामान फेला पारेको थियो । बसबाट प्रहरीले ४० प्याकेट चकलेट र ३५ जोर जुत्ता फेला पारेको थियो । अवैध सामान नियन्त्रणमा लिई बसलाई गन्तव्यतर्फ पठाइएको प्रहरीले जनाएको छ ।
