हेटौंडाः मकवानपुरको मकवानपुरगढी गाउँपालिकाको प्रमुख प्रशासकीय अधिकृतमा राजेन्द्र कार्कीले जिम्मेवारी सम्हाल्नुभएको छ । प्रमुख प्रशासकीय अधिकृत कार्कीले आइतबार जिम्मेवारी सम्हाल्नुभएको मकवानपुरगढी गाउँपालिकाका सूचना अधिकारी रामबहादुर घलानले जानकारी दिनुभयो ।
यसअघिका प्रमुख प्रशासकीय अधिकृतमा शैलेन्द्र भण्डारी संघीय सरकारको खानेपानी मन्त्रालयमा शाखा अधिकृतमा रुपमा सरुवा भएर जानुभएको हो । कार्की यसअघि सिन्धुली जिल्लाको फिकल गाउँपालिकामा शाखा अधिकृतको रुपमा कार्यरत हुनुहुन्थ्यो । आइतबार गाउँपालिकाका अध्यक्ष दोर्जे लामा स्याङ्तान, उपाध्यक्ष मानकुमारी नेपालीसहित वडा अध्यक्षहरु, कर्मचारीको उपस्थितिमा कार्कीलाई स्वागत गरिएको थियो ।
