हेटौँडाः मकवानपुर जिल्ला खेलकुद विकास समितिले मकवानपुरको मकवानपुरगढी गाउँपालिका र बकैया गाउँपालिकामा आयोजना गरिएको खेलकुद प्रतियोगिताका लागि खेलसामग्री सहयोग गरेको छ । जिल्ला खेलकुद विकास समितिका अध्यक्ष वेश खड्की र कार्यालय प्रमुख माधव कोइरालाले खेलसामग्री हस्तान्तरण गर्नुभएको छ ।
मंगलबारदेखि बकैया गाउँपालिका–८ मा सुरु भएको नकआउट फुटबल प्रतियोगिताका लागि जिल्ला खेलकुदले प्रथम र द्वितीय हुने टिमलाई प्रदान गरिने सिल्ड सहयोग गरेको छ । समितिका अध्यक्ष वेश खड्कीले उद्घाटन कार्यक्रममा सिल्ड हस्तान्तरण गर्नुभएको हो । यस्तै बुधबार मकवानपुरगढी गाउँपालिकाको उद्यमशील नेपाल युवा क्लबलाई ३ थान फुटबल हस्तान्तरण गरिएको छ भने केही दिनमा भलिबल र कराते खेलसामग्री हस्तान्तरण गरिने खेलकुद विकास समितिका अध्इक्ष वेश खड्कीले जानकारी दिनुभएको छ । खेलकुद विकास समितिले जिल्लामा हुने खेलकुद प्रतियोगिताका आयोजकलाई प्रोत्साहन गर्न खेलसामग्री सहयोग गर्ने योजना बनाएको छ ।
