हेटौँडाः मकवानपुर जिल्लाको भीमफेदी गाउँपालिका–८, माण्डु नजिकै बागमती खोलामा शव फेला परेको छ । बिहीबार बिहान १० बजेर ३० मिनेटको समयमा अन्दाजी ४० वर्षीया महिलाको शव बरामद भएको मकवानपुरका प्रहरी प्रवक्ता प्रहरी नायव उपरीक्षक टेकबहादुर कार्कीले जानकारी दिनुभयो ।
शवको परिचय खुल्न सकेको छैन । दुई साता अघि मात्रै पनि ३५ वर्षीय पुरुष र १७ वर्षीया एक किशोरीको शव माण्डु नजिकै बागमती खोलामा फेला परेको थियो । प्रहरीका अनुसार दुई साताअघि फेला परेका ती शवहरुको पनि अझै परिचय खुल्न सकेको छैन ।
