हेटौँडाः सिन्धुली जिल्लाको कमलामाई नगरपालिका–६ धुराफाँटमा करेन्ट लागेर घाईते भएकी एक जना महिलाको मृत्यु भएको छ । मृत्यु हुनेमा सोहि स्थान बस्ने २० वर्षीया देवि कुमारी योञ्जन रहेको प्रदेश प्रहरी कार्यालय हेटौँडाले जानकारी दिएको छ ।
योञ्जन बुधबार बिहान ८ बजेको समयमा मोटरबाट पानी चलाउन स्विच अन गर्ने क्रममा अचानक करेन्ट सट हुँदा करेन्ट लागेर गम्भिर घाईते भएकी थिईन । घाइते योञ्जनलाई उपचारको लागि जिल्ला अस्पताल सिन्धुली लगिएकोमा थप उपचारको लागि हेम्स अस्पताल काठमाण्डौमा लगिएको थियो । योञ्जनको उपचारको क्रममा शुक्रबार बिहान १० बजे मृत्यु भएको प्रहरीले जानकारी दिएको छ ।
