हेटौँडाः नुवाकोट जिल्लाको सूर्यगढी गाउँपालिका–५ गणेशथान भिरबाट लडेर एक जनाको मृत्यु भएको छ । मृत्यु हुनेमा सोही स्थान बस्ने ६० वर्षीय मान बहादुर बस्नेत रहेको बागमती प्रदेश प्रहरी कार्यालय हेटौँडाले जनाएको छ ।
बस्नेत बिहिबार बिहान ६ बजेको समयमा सामुदायिक वनमा स्याउला काट्ने क्रममा भीरबाट एक सय मिटर तल खस्दा मृत्यु भएको प्रहरी जानकारी दिएको छ । मुचुल्का पश्चात शव पोष्टमार्टमका लागि जिल्ला अस्पताल लगिएको प्रहरीले जनाएको छ ।
