हेटौंडाः मकवानपुरको बकैया गाउँपालिका–७, हात्तिखोला नजिकै सार्वजनिक जग्गामा सिँचाईका लागि खनिएको पोखरीमा पौडी खेल्ने क्रममा डुबेर एक बालिकाको मृत्यु भएको छ ।
शनिबार दिउँसो ३ बजेर २० मिनेटको समयमा स्थानीय ११ वर्षीया बिनिता राईको पौडी खेल्ने क्रममा डुबेर मृत्यु भएको मकवानपुर प्रहरीले जनाएको छ । पोखरीमा डुबेर अचेत अवस्थामा उद्दार गरिएकी राईलाई उपचारका लागि बकैया आधारभूत स्वास्थ्य केन्द्र छतिवनमा पुर्याउँदा चिकित्सकले राईलाई मृत घोषित गरेको प्रहरीले जनाएको छ ।
