हेटौंडाः हेटौंडा–४ स्थित हुप्रचौर सरसफाई अभियान सुरु भएको छ । हेटौंडा उपमहानगरपालिका ४ नम्बर वडा कार्यालयको नेतृत्वमा टोल विकास संस्था नगर समन्वय समिति, जिल्ला खेलकुद विकास समिति, विभिन्न खेलकुद संघ, जेसीज, लायन्स, हिमालयन राइडर क्लब, पतञ्जली योग समिति लगायतका संघ, संस्थाको सहयोगमा चौर सफाई सुरु गरिएको वडा अध्यक्ष नवीन सिग्देलले जानकारी दिनुभयो ।
बागमती प्रदेश सभा सदस्य भारती पाठकको समेत उपस्थितिमा सरसफाई अभियान भएको हो । सरसफाई कार्यलाई निरन्तर राख्ने र हुप्रगेटको निर्माण, वृक्षरोपण, पर्खालहरुमा रङ लगाई हुप्रचौरलाई उज्यालो बनाउने वडा अध्यक्ष सिग्देलको भनाइ छ । असार मसान्तसम्ममा हुप्रचौरको निर्माण कार्य सकाई आकर्षक बनाउने सिग्देलले जानकारी दिनुभयो ।
