हेटौंडाः नेपालमा थप दुई जनामा कोरोना भाइरसको संक्रमण पाइएको संघीय सरकारका स्वास्थ्य तथा जनसंख्या मन्त्रालयले जनाएको छ । केहीबेरअघि सामाजिक सञ्जाल फेसबुकमा मन्त्रालयका सहप्रवक्ता डा. समीरकुमार अधिकारीले एक सूचनामार्फत दुईजनामा थप संक्रमण देखिएको जनाएको छ ।
राष्ट्रिय जनस्वास्थ्य प्रयोगशाला काठमाडौंमा आज गरिएको पीसीआर परीक्षणमा कपिलवस्तु–८ का १६ र २२ वर्षीय दुई पुरुष रहेको मन्त्रालयले जनाएको छ । उनीहरुको स्वास्थ्य अवस्था सामान्य भएको र स्वास्थ्यकर्मीको निगरानीमा रहेको जनाइएको छ । नेपालमा संक्रमित मध्ये २२ जना स्वस्थ भइसकेका छन् । नेपालमा कोरोना संक्रमणबाट कसैको पनि मृत्यु भएको छैन ।
