हेटौंडाः रोटरी क्लब अफ हेटौंडाले आज बिहिबार स्थानीय प्रशासन, प्रहरी, स्वास्थ्यकर्मीलाई सुरक्षा सामग्री सहयोग गरेको छ । रोटरी क्लबले जिल्ला प्रशासन कार्यालय मकवानपुरमार्फत १० थान पीपीइ सेट र १५०० थान तीन लेयर भएको, धुन मिल्ने सेनेटाईज माक्स सहयोग गरेको छ ।
सहयोग गरिएको सुरक्षा सामग्री मध्ये औद्योगिक सुरक्षा बललाई १०० थान मास्क र २ थान पीपीइ, नेपाल प्रहरीलाई ३०० थान मास्क र २ थान पीपीइ, सशस्त्र प्रहरी लाई ३०० थान मास्क र २ थान पीपीइ, हेटौंडा उपमहानगरपालिका स्वास्थ्यकर्मीलाई २०० थान मास्क, विपद व्यवस्थापन समितिलाई ४०० थान मास्क र ४ थान पीपीइ, जिल्ला समन्वय समिति मकवानपुरलाई १०० थान मास्क र जिल्ला प्रशासन कार्यालयलाई १०० थान मास्क वितरण गरिएको रोटरी क्लब अफ हेटौंडाका अध्यक्ष ईन्द्रप्रसाद नेपालले जानकारी दिनुभयो ।
