हेटौंडाः मकवानपुर जिल्लाको राक्सिराङ गाउँपालिका वडा नम्बर ३ का सदस्य दलराज शाहको निधन भएको छ । फोक्सोको क्यान्सरबाट पीडित शाहको आज साँझ ४ बजेको समयमा निधन भएको राक्सिराङ गाउँपालिकाका लालबहादुर थापाले जानकारी दिनुभयो । ५५ वर्षीय शाह २०७४ सालमा भएको स्थानीय तहको निर्वाचनमा तत्कालिन नेकपा एमालेबाट वडा सदस्य निर्वाचित हुनुभएको हो ।
शाह विभिन्न सामाजिक संघ, संस्थामा आवद्ध हुनुहुन्थ्यो । राक्सिराङ गाउँपालिकास्थित सूर्योदय मावि, वनकाली सामुदायिक वन उपभोक्ता समूह, चुर्लिम कृषि सहकारी संस्था लिमिटेड, भर्याङकाली कृषि सहकारी संस्था आवद्ध शाह राक्सिराङ–३, मैनटार निवासी हुनुहुन्थ्यो ।
