हेटौंडाः हेटौंडा–८ स्थित श्रमिक टोल विकास संस्थालाई टेबलटेनिस बोर्ड, ब्याट हस्तान्तरण गरिएको छ । वडा कार्यालयले शनिबार एक कार्यक्रम गरी संस्थालाई सामग्री हस्तान्तरण गरेको स्थानीय सुवास ढुङ्गेलले जानकारी दिनुभयो ।
वडा कार्यालयको ५० हजार रुपैयाँ लागतमा टेबलटेनिस खेल सामग्री हस्तान्तरण गरिएको ढुंगेलले जानकारी दिनुभयो । वडा अध्यक्ष रामकृष्ण थापाको प्रमुख आतिथ्य तथा टोल विकास संस्थाका अध्यक्ष इन्द्र प्रसाद ढुङ्गेलको अध्यक्षतामा खेल सामग्री हस्तान्तरण कार्यक्रम भएको हो ।
