हेटौंडाः ठूलो परिमाणमा लागुऔषध गाँजा र भरुवा बन्दुकसहित मकवानपुर प्रहरीले ५ जनालाई पक्राउ गरेको छ । पक्राउ पर्नेमा मकवानपुर जिल्लाको कैलाश गाउँपालिका–६, दुम्सीखर्कका ६० वर्षीय जीत बहादुर मोेक्तान, २८ वर्षीय विजय गोले, ४० वर्षीय रत्नबहादुर घले, २२ वर्षीय शेखर घले, २२ बर्षीय अशोक घले रहेका छन् ।
शुक्रबार राति ९ बजे मोक्तानको घरमा लागुऔषध छ भन्ने विशेष सूचनाको आधारमा प्रहरी नायव निरीक्षकसहितको २५ जना टोली खटिएको थियो । मोक्तानको घर खानतलासी गर्दा भरुवा बन्दुक १ थान, कटुवा पेस्तोल १ थान, पेस्तोलमा लाग्ने ६ राउण्ड गोली र मोक्तानकै घर नजिक रहेको गोठबाट लागुऔषध गाँजा ७ सय केजी, चरेस जस्तो देखिने वस्तु १२ केजी बरामद गरिएको जनाएको छ ।
