हेटौंडाः बुढ्यौली साहित्य समाज महोत्तरीको आयोजनामा देउराली माध्यमिक विद्यालय बर्दिवासमा पहिलो बुढ्यौली साहित्य गोष्ठी भएको छ ।
शनिबार सम्पन्न कार्यक्रममा साहित्यकार रमेशमोहन अधिकारीले बुढ्यौली साहित्यको परिचय तथा महत्व बारे प्रकाश पार्नुभएको थियो ।
सोही कार्यक्रममा कवि जनार्दन खनाल, प्रेमप्रसाद घिमिरे, रामचन्द्र पौडेल, लम्बोदर काफ्लेलगायतले कविता, मुक्तक तथा गजल सुनाउनुभएको थियो । पूर्व प्रधानाध्यापक खड्गबहादुर सिंह तथा प्रगतिशील लेखक संघ (प्रलेस) महोत्तरीका अध्यक्ष नारायण घिमिरेले भने मन्तव्य व्यक्त गर्नुभएको थियो । अध्यक्ष नानीराम दाहालको अध्यक्षता तथा वयोवृद्ध शिक्षासेवी इन्द्रप्रसाद रिसालको प्रमुख आतिथ्यमा कार्यक्रम भएको हो ।
