हेटौंडाः जेसीआई हेटौंडा वर्ष २०२३ का लागि अध्यक्षमा श्रवण कुमार बर्तौला सर्वसम्मत निर्वाचित हुनुभएको छ । अध्यक्षका अर्का आकांक्षी पंकज कुमार बनियाँले शनिबार बिहान उम्मेदवारी फिर्ता लिएसँगै बर्तौला सर्वसम्मत निर्वाचित हुने निर्वाचन आयुक्त राजदेव बनियाँले जानकारी दिनुभयो । जेसीजको कार्यकाल एक वर्षको हुनेछ ।
यसअघि शुक्रबारबाट सुरु भएको निर्वाचन प्रक्रियामा उपाध्यक्षतर्फ पनि ४ जना सर्वसम्मत निर्वाचित भएका थिए । उपाध्यक्षमा सन्तोष पराजुली, मिलन ढकाल, सञ्जय न्यौपाने र राजुप्रसाद श्रीवास्तव सर्वसम्मत चयन भएका छन् । यता २ जना कार्यकारिणी उपाध्यक्ष पदमा ४ जनाको उम्मेदवारी परेको छ । कार्यकारिणी उपाध्यक्ष चयनका लागि शनिबार दिउँसो साढे १२ बजेबाट मतदान सुरु हुने निर्वाचन आयुक्त बनियाँले बताउनुभएको छ ।
कार्यकारिणी उपाध्यक्षमा विवेक आनन्द न्यौपाने, विकेश लाल श्रेष्ठ, संगीत श्रेष्ठ र अमृत बर्तौलाको उम्मेदवारी दर्ता गराएका छन् । जेसीआई हेटौंडामा १ सय ५८ जना सदस्यले मतदान गर्न पाउनेछन् ।
