हेटौंडाः मकवानपुर उद्योग वाणिज्य संघले खाद्यान्न व्यवसायी संघसँगको समन्वयमा दैनिक उपभोग्य वस्तुको मूल्यसूचि दोस्रो पटक आज सार्वजनिक गरेको छ । लक डाउनका कारण उपभोग्य वस्तुमा व्यवसायीले मूल्यवृद्धि गर्ने आशंका सर्वसाधारणले गरिरहँदा मकवानपुर उद्योग वाणिज्य संघले सम्बन्धित व्यवसायीसँग समन्वय गरी थोक र उपभोक्ता मूल्य अर्थात खुद्रा मूल्य सूचि सार्वजनिक गरेको हो । यसअघि मकवानपुर उद्योग वाणिज्य संघले चैत २२ गते पनि पहिलो पटक खाद्यान्नको मूल्य सार्वजनिक गरेको थियो । आज सार्वजनिक गरिएको मूल्य र चैत २२ गते सार्वजनिक गरिएको मूल्यमा भने कुनै फरक छैन । खाद्यान्न व्यवसायी संघसँगको समन्वयमा ३२ किसिमका उपभोग्य वस्तुको थोक र उपभोक्ता मूल्य सार्वजनिक गरेको छ ।
