हेटौंडाः जेसीज सप्ताहव्यापी कार्यक्रम अन्तर्गत मंगलबार भएको अन्तर जेसीज फुटसल प्रतियोगितामा आयोजक बसामाडी जेसीज विजयी भएको छ । प्रतियोगिताको फाइनल खेलमा हेटौंडा जेसीजलाई ५–२ गोल अन्तरले पराजित गर्दै बसामाडी जेसीज विजयी भएको हो ।
प्रतियोगितामा आयोजक संस्था, हेटौंडा जेसीज, बस्तिपुर जेसीज, बकैया जेसीज(प्रस्ताविक) र हरिवन जेसीज (प्रस्ताविक) गरी ५ वटा जेसीजहरुले सहभागिता जनाएको थियो । विजेता टिमले कप र मेडल प्राप्त गरेको छ । जेसीज सप्ताह कार्यक्रम अन्तर्गत भोली बुधबार हेटौंडा ७ कमानेमा रहेको आशा विद्यालयमा खाद्यान्न एंव शैक्षिक सामाग्री वितरण गरिने जनाइएको छ । बसामाडी जेसीजका अध्यक्ष चिराग अग्रवालको सभाध्यक्ष तथा संविधान सभा सदस्य अनन्त प्रसाद पौडेलको प्रमुख अतिथ्यतामा कार्यक्रम भएको हो ।
