हेटौंडाः राष्ट्रिय प्रजातन्त्र पार्टी (राप्रपा) मकवानपुरको प्रशिक्षण विभाग प्रमुखको जिम्मेवारी विजय सिंह ठकुरीलाई दिइएको छ । मंगलबार राप्रपा मकवानपुरको बैठकले पार्टी जिल्ला सचिव समेत रहनुभएका ठकुरीलाई प्रशिक्षण विभाग प्रमुखको जिम्मेवारी दिने निर्णय गरेको प्रवक्ता आयुष डोटेलले जानकारी दिनुभएको छ ।
प्रशिक्षण विभागको सदस्यमा शंकर सिंह ठकुरीलाई मनोनित गरिएको छ । यस्तै खेलकुद विभाग प्रमुखमा संजोक जोशी तथा सदस्यहरुमा प्रकाश केसी, राजेन्द्र लामा, सुशान्त लामा र रुपेश लामालाई जिम्मेवारी दिइएको प्रवक्ता डोटेलले बताउनुभएको छ ।
