हेटौंडाः अखिल नेपाल फुटबल संघ (एन्फा)को केन्द्रीय सदस्यका लागि मकवानपुर जिल्ला फुटबल संघका अध्यक्ष टिका लामाले उम्मेदवारी दर्ता गराउनुभएको छ । सोमबार काठमाडौंमा एन्फाको केन्द्रीय सदस्यका लागि लामाले उम्मेदवारी दर्ता गराउनुभएको हो ।
एन्फाको केन्द्रीय निर्वाचन आगमी असार ६ गते हुँदैछ । लामाले एन्फाका वर्तमान अध्यक्ष समेत रहनुभएका कर्मा छिरिङ शेर्पाको प्यानलबाट उम्मेदवारी दिनुभएको हो । लामाले आफ्नो प्यानलको जित सुनिश्चित रहेको बताउनुभयो । सबै जिल्लाका फुटबल संघका अध्यक्ष पदाधिकारीहरुको माया पाएको भन्दै आफ्नो प्यानलको जित हुने लामाले दाबी गर्नुभयोे । एक महिनाअघि मात्रै लामा दोस्रो कार्यकालका लागि मकवानपुर जिल्ला फुटबल संघको अध्यक्षमा निर्वाचित हुनुभएको थियो ।
