हेटौंडाः स्थानिय तहको निर्वाचन नजिकिँदै गर्दा चुनाव लक्षित गरेर राष्ट्रिय प्रजातन्त्र पार्टी (राप्रपा) मकवानपुरले आगामी चैत २७ गते आमसभा गर्ने भएको छ । राप्रपा पार्टीका केन्द्रिय अध्यक्ष रजेन्द्र लिङ्देनको उपस्थितिमा आमसभा तथा पार्टी प्रवेश कार्यक्रम हुने पार्टीका केन्द्रीय नेता मधुु अधिकारीले बताउनुभयो ।

स्थानिय तहको निर्वाचन लक्षित कार्यक्रम तयारीको लागी हिजो सोमबार पार्टी कार्यालय हेटौंडामा केन्द्रीय नेता, प्रदेश नेता र जिल्ला पदाधिकारीहरुको बैठकले विभिन्न समिति गठन गरेको छ । आमसभा तथा पार्टी प्रवेश कार्यक्रमको लागि आर्थिक समिति, कार्यक्रम तयारी समिति, प्रचार प्रसार समिति, मन्च व्यवस्थापन समिति, स्वयम् सेवक समिति, यातायात व्यस्थापन समिति र समारोह स्वागत समितिको गठन भएको राप्रपा मकवानपुरका प्रवक्ता बिशभ अधिकारीले बताउनुभयो ।

आमसभा तथा पार्टी प्रवेश कार्यक्रममा केन्द्रीय पार्टीका अध्यक्ष राजेन्द्र लिङ्देनको प्रमुख आतिथ्यता रहने र केन्द्रीय स्तरका नेताहरु विक्रम पाण्डे, रेखा थापा र ज्ञानेन्द्र शाहि लगायतको उपस्थिति हुने अधिकारीले बताउनुभयो ।