हेटौंडाः मामाघर नेपाल मकवानपुरलाई गलैंचासहित नगद सहयोग प्राप्त भएको छ । शनिबार नेपाल पारा भेटेरिनरी एसोसियसनले हेटौंडा—११ स्थित मामाघर नेपाल मकवानपुरलाई गलैंचा सहित विभिन्न सामाग्री सहयोग गरेको हो ।
मामाघरलाई १२ वटा गलैंचा, २५ थान तन्ना, २५ स्थान सिरानी, र विस्कुट ५ कार्टुन सहयोग गरिएको जनाइएको छ । ३० हजार रुपैयाँ बराबरको सामाग्री भेटेरिनरी एसोसियसले मामाघरलाई सहयोग गरिएको जनाइएको छ । नेपाल पारा भेटेरिनरी एसोसियसन मकवानपुरका अध्यक्ष कुमार खड्का, उपाध्यक्ष उत्तम अधिकारी, सचिव श्याम ढकाल, कोषाध्यक्ष सृजना सुर्खेतीलगायत उपस्थित भएर सहयोग प्रदान गर्नुभएको थियो ।
यसैगरी जन्मदिनको अवसरमा व्युटी पार्लर एण्ड ट्रेनिङ सेन्टरकी अध्यक्ष अस्मिता श्रेष्ठले १५ हजार ५ सय ५ रुपैयाँ सहयोग गर्नुभएको छ ।
